Fenomeni i “ikjes” nuk vetëm shqiptar këto kohëra. Pas Italisë me tregues gjithashtu shqetësues, pa llogaritur vendet e rajonit apo Lindjes me të njëjtën tendencë, është dhe Rusia, me kohërat e saj “më të arta” pas Luftës së Ftohtë, e cila po vuan psikozën e ikjes.
Pothuajse gjysma e rusëve të rinj, 44 për qind e tyre, të moshës 15 deri në 29 vjeç, duan të largohen nga vendi, sepse ekonomia po ngec – konstatohet sipas një sondazhi të Gallup.
Sondazhi, i cili përfshiu dy mijë intervista ballë për ballë të mbledhura në vitin 2018, tregon se 20 përqind e të gjithë rusëve duan të ikin jashtë vendit, përqindja më e madhe e rusëve që nga viti 2007, kur vetëm 17 përqind e donin atë.
Njerëzit e rinj, me aftësi të kufizuara kishin më shumë gjasa të largoheshin, gjë që Gallup e sheh si një kërcënim për pozitën e ardhshme ekonomike dhe ndikimin politik të Rusisë.
“Edhe pse të gjithë këta rusë nuk do të emigrojnë, rritja e dëshirës për t’u larguar në vitet e fundit do të prekë dhe Moskën”, tha Gallup.
Popullsia e Rusisë ra vitin e kaluar për herë të parë në një dekadë në 146.8 milion, tha Gallup.
Në moshën 35-45 vjeç, 22 për qind e rusëve shprehën dëshirën për një largim të përhershëm. Destinacionet më të kërkuara janë Gjermania dhe SHBA.
Në vitin 2014, kur Rusia aneksoi Krimenë, vetëm 14 përqind e rusëve të moshës 15 deri në 29 vjeç dhe 7 përqind midis 30 dhe 45 vjeç ishin gati të iknin jashtë.
Intervistuesit i atribuan rezultatet e pafavorshme në një rënie pesëvjeçare të të ardhurave, masave të qeverisë për të rritur moshën e daljes në pension, si dhe rritje së TVSH-së.
Sondazhet e opinionit kanë treguar gjithashtu se besimi në Putinin, rizgjedhur vitin e kaluar me më shumë se 76 përqind të votave, ra në nivelin më të ulët në 13 vitet e fundit. /tesheshi.com/
