Saktësisht 100 ditë para zgjedhjeve në nëntor, më shumë amerikanë mendojnë se Shtetet e Bashkuara po shkojnë në drejtim të gabuar se në çdo kohë gjatë mandatit të Presidentit Donald Trump, sipas një sondazhi të ri nga agjensia AP dhe Qendra NORC për Kërkime Publike.
Sipas rezultateve të hulumtimit, mënyra në të cilën presidenti lufton kundër virusit COVID është mbështetur nga 32 përqind e amerikanëve, raporton Zëri i Amerikës, duke shtuar se qëndrimi i tij ndaj ekonomisë, vula e tij personale në mandat, ka ulur mbështetjen gjatë muajve të fundit.
Edhe nëse ai përpiqet të përqëndrohet në garën kundër kundërshtarit më të mundshëm demokrat Joe Biden, në tema të ndryshme kulturore dhe mesazhe në lidhje me “ligjin dhe rendin”, shanset e Trump për rizgjedhje do të lidhen ngushtë me mënyrën e luftimit të pandemisë dhe nëse votuesit do të besojnë vendi do të kthehet në normalitet nën udhëheqjen e tij, shton Zëri i Amerikës.
Amerikanët mendojnë se ekonomia është në gjendje të keqe
Sondazhi i AP dhe NORC tregon se tetë nga 10 amerikanët mendojnë se vendi po shkon në drejtim të gabuar, që është më shumë sesa kur Trump mori detyrën.
Sondazhi shton se 38 përqind e amerikanëve mendojnë se ekonomia kombëtare është në gjendje të mirë, një rënie që nga janari para pandemisë, kur 67 përqind e të anketuarve menduan kështu.
Rreth 38 përqind e amerikanëve mbështesin mënyrën e funksionimit të presidentit, që është një rënie që nga fillimi i pandemisë, thuhet.
Një shumicë e republikanëve – 81 përqind e mbështesin Trump, ndërsa 68 përqind mbështesin mënyrën se si ai përballet me pandeminë. /tesheshi.com/
