Kwang Son Han ishte një futbollist krejt anonim kur zbriti në Itali, por sot për koreanoveriorin, bashkëkombasin e të frikshmit Kim Jong-un, kanë hedhur sytë Napoli, Juventus, Inter e Totenham. Në një intervistë dhënë për mediat, sulmuesi deklaron se është duke provuar një ëndërr.
20-vjecari mbërriti për herë të parë në Itali tek Cagliari, me të cilin luajti vetëm një ndeshje dhe nuk pati mundësinë të evidentohej. Për këtë shkak klubi vendosi ta huazonte tek Perugia në Seria B, ku koreano veriori shpërtheu, duke shënuar 3 gola që në ndeshjen e parë.
Sot ai është shënuesi më i mirë i Perugias, e po mbahet në vëmendje nga skuadrat kryesore në Itali. “Juventus ka treguar interes, e për këtë fjalët nuk dalin kot. Han dhe ne nuk kemi marrë një ofertë konkrete, por jemi në pritje” – shprehet agjenti i tij.
Sipas tij, Han ka pikërisht një juventin si lojtar të preferuar, pikërisht Dybalan. “Ndërsa lidhur me mënyrën sesi të tjerët e shohin 20-vjeçarin, ngjan gjithmonë e më shumë me Bepe Signorin” – shprehet agjenti i tij, Sandro Semperini. Son Han është ndër koreanoveriorët e paktë që luajnë si profesionistë.
Përveç nuhatjes për golin, ai kryen me shpejtësi veprimet e zotëron një teknikë për t’u admiruar. /tesheshi.com/
