Sulmuesi shqiptar Sokol Cikalleshi ka qenë protagonisti kryesor i skuadrës së tij Osmanlispor, ditën e mërkurë. Shqiptari ka shënuar dy gola për ekipin e tij, duke përmbysur rezultatin nga 0-1, në 2-1, në ndeshjen ku skuadra e tij luante për Kupën e Turqisë kundër Besiktasit.
Kanë qenë miqtë ata që kaluan të parët në avantazh me Pektemek, duke krijuar idenë se vendasit do të mundeshin lehtë. Por shtatlarti shqiptar, mori ekipin “për dore” dhe brenda 2 minutave ktheu gjithçka në favor të Osmanlispor.
Fillimisht ai shënoi golin e barazimit në minutën e 86-të, pas një përpjekjeje në zonë. Ndërsa pas dy minutash, shokët e skuadrës i lanë përgjegjësinë e penalltisë, të cilin ai ua shpërbleu me gol.
Në këtë mënyrë Cikalleshi dëshmon edhe njëherë se është sulmues me peshë, që kërkon vetem minuta më shumë, për të treguar vlerat e tij. /tesheshi.com/
