Pak ditë më parë, e përdishmja londineze, The Independent intervistoi profesorin e Universitetit të Rice, Craig Considine, i cili fliste për modelin e tolerancës fetare në kohën e profetit Muhamed.
Por këtë herë, profesori i njohur i sociologjisë kërkon që modelin e kohës së Profetit ta implementojmë në ditët tona.
Profesori amerikan thekson se një nga më të preferuarit e tij është një dokument i historisë ku përmblidhen katër letra autentike që flasin për Besëlidhjet e Profetit Muhamed me komunitetet e krishtera të kohës.
Këto dokumente titullohen, sipas tij: “Vargje nga mbledhja me murgjit kristianë të Malit Sinai”, Beslidhja me të krishterët e Nexhranit dhe Besëlidhja me të krishterët e botës.
Shumë nga këto dokumente nuk kanë qenë të njohura për shoqërinë dhe botën intelektiale pasi sipas Dr. Considine, sic tha ai, “ato kanë qëndruar të mbyllura në koleksionet e vjetra dhe askush nuk i shikonte. Ata qëndronin në pallate private dhe manastire dhe shumë rrallë janë përkthyer nga gjuhët e tyre origjinale”.
“Por Besëlidhjet e lashta përmbajnë pasazhe ku në mënyrë të qartë theksojnë planin e Profetit për të krijuar një komunitet të bazuar në lirinë fetare dhe barazinë”, shkruan’, Dr. Considine në paradhënien e librit.
Me hulumtimet e tij të fundit, profesori synon të luftojë islamofobinë dhe të kultivojë më shumë paqe në Lindjen e Mesme, duke ofruar modele profetike, dhe pikërisht atë të Profetit Muhamedit, rreth së cilit janë dhe keqkuptimet dhe paragjykimet më të mëdha për ata që nuk e njohin, atë dhe Islamin.
“Projekteve për të nxitur paqen dhe lirinë ligjet islame që i referohen ngushtësisht mësimeve të Profetit, të cilat e vendosin theksin tek dashamirësia, vullneti i mirë, bamirësia në mesin e anëtarëve të komunitetit, dhe kujdesi për mirëqenien e secilit dhe të të gjithëve”, shprehet sociologu i njohur.
Dr. Considine thekson më tej se Profeti Muhamed u bëri thirrje të krishterëve dhe myslimanëve që të angazhohen me njëri-tjetri për të ndërtuar marrëdhënie reciprokisht të dobishme. “Për shembull, në Besëlidhjen me të krishterët e Persisë, Profeti Muhamed tha:
‘Kudo, në male, në fusha, qytete, shkretëtira, dhe apo kudo njerëzit duhet të jenë të mbrojtur në besimin e tyre dhe në pronën e tyre, si në Perëndim dhe në Lindje, si në det dhe tokë.’
Ky pasazh, si dhe vargje të tjera të ngjashme për Besëlidhjen, zbulojnë se Profeti insistoi të ndërtojë një marrëdhënie dashamirëse me njerëzve e besimeve të ndryshme, të karakterizuar nga solidariteti dhe nxitja e paqes, e jo duke përdorur frikën të kontratës.”
Dr. Considine sugjeron se botimi i Besëlidhjeve mund të shërbejnë si një seri të re të projekteve për udhëheqësit e kombeve myslimane, që ata të prodhojnë ndryshime pozitive shoqërore dhe të ruajnë diversitetin fetar.
Profesori shpreh shpresën se puna e tij mund të ndihmojë njerëzit të kuptojnë dhe të kthehet në kuptimin e vërtetë “Islam” të botës nëpërmjet fjalëve të Profetit.
“Qëllimi im është të ndërtojmë ura mes të krishterëve dhe myslimanëve. Kjo mund të bëhet shumë qartë në harmoninë që predikohet në Besëlidhjen e Profetit Muhamed ku shprehet vizioni i mrekullueshëm për ummetin. Myslimanët duhet të tërhiqen në parimet më të mira të traditës së tyre islame”, thekson profesori i sociologjisë.
Për ata që janë të interesuar në leximin e besëlidhjeve të plota, Dr. Considine thekson se tekstet origjinale janë publikuar që në shkurt të vitit 2015 nga John Andrew me titull: “Gjashtë Besëlidhje të Profetit Muhamed me të krishterët e kohës së tij”.
Marrë nga goodneësshared.com – /tesheshi.com/
Përgatiti: Ylli Pata
