Një socialist dibran është shfaqur si plangprishës politik në protestën e opozitës. Agim Kaca ishte ndër ata që edhe pse i majtë, kërkoi rrëzimin e Edi Ramës.
“Qeverisja e Edi Ramës e përfaqësuar nga banda e Rilindjes, siguri force ka gënjeshtrën dhe mashtrimin. Shqipëria ka nevojë për reformë në drejtësi por jo të gjitha gjykatat janë të korruptuara. Është një gjykatë që nuk korruptohet, që nuk mund ta frikësojë askush, kjo gjykatë është populli shqiptar, jeni ju këtu që do ta përzini Edi Ramën nga pushteti. Poshtërsirat e kësaj qeveria nuk mjafton as errësira për t’i mbuluar. I bëj thirrje Lulzim Bashës që së shpejti me vendimin e kësaj gjykate në dorë, vendimin tuaj, të pastrojë pallatin kryeministror nga banda e Rilindjes”, tha socialisti dibran. /tesheshi.com/
