Edward Snowden, një ish-anëtar i Shërbimit të Inteligjencës Amerikane (CIA), ra dakord t’i dorëzojë qeverisë së SHBA-së 5 milion dollarë që ai fitoi nga shitja e librit të tij autobiografik dhe fjalimeve nëpër botë.
Snowden botoi librin “Regjistruar në mënyrë të përhershme” vitin e kaluar, duke shkelur kështu marrëveshjen që ai bëri me CIA-n dhe Agjencinë e Sigurisë Kombëtare të SHBA
Në librin nga i cili ai fitoi disa milion dollarë, zbulon se si qeveria amerikane krijoi një sistem të mbikëqyrjes masive.
Snowden, i cili aktualisht jeton në Rusi, fitoi 4.2 milion dollarë nga shitjet e librave dhe të drejtat e autorit.
Fjalimet e tij, nga të cilat ishin më shumë se 50, u paguan mesatarisht nga 18,000 dollarë secili.
Ankimi kundër një gjykimi të mëparshëm
Sipas një marrëveshje midis Snowden dhe administratës Trump, paratë do të depozitohen në një fond të veçantë.
Sidoqoftë, avokati i ish-bashkëpunëtorit të NSA tha se marrëveshja e bërë midis Snowden dhe gjykatës nuk do të thotë që qeveria amerikane mund të konfiskojë menjëherë paratë e tij, sepse ai po shqyrton një apel kundër vendimit të mëparshëm të gjykatës për përgjegjësinë për botimin e librit.
Kjo nuk është hera e parë që qeveria amerikane gjobit ish-punonjës për rrjedhje informacioni të paautorizuar. /tesheshi.com/
