Kryeministri në detyrë Albin Kurti, fill pas takimit me presidentin Thaçi, aty ku i bëri me dije se sipas Kushtetutës duhej të shpallte zgjedhje të parakohshme, i dërgoi dhe një letër ku i thotë që të mos avancojë takimet e planifikuara me krerësh partish, pasi gjykon se nuk kanë bazë kushtetuese.
Nga ana tjetër, presidenti Thaçi ka thënë se bazë e tij e veprimit pas situatës së re të krijuar në vend do të jetë Kushtetua.
“Do ta respektoj legjitimitetin qytetar të 6 tetorit, duke marrë parasysh edhe mocionin e mosbesimit apo shkarkimin e Qeverisë. Veprimet që do të ndërmarrë si President do të jenë transparente, plotësisht në përputhshmëri me Kushtetutën, ligjet por edhe praktikat e mëhershme që kanë qenë sipas vullnetit politik të partive politike”, ka thënë ai në konferencë pas takimeve të zhvilluara sot.
Jeta institucionale vazhdon dhe funksionimi i demokracisë do të vazhdojë. Si President i vendit duke respektuar Kushtetutën, mandatin tim, pas mocionit të mosbesimit, jam i detyruar duke respektuar Kushtetutën për të filluar konsultat me partitë politike për hapat e mëtutjeshëm për funksionalizimin e institucioneve, apo themelimin e Qeverisë së re”, arsyeton Thaçi. /tesheshi.com/
