Sllovenia mund të jetë vendi i parë ballkanik që do njohë Palestinën. Ministri i Jashtëm Karl Erjavec, tha pas takimit të partnerëve të koalicionit në qeveri se ishte koha që Sllovenia të njohë Palestinën.
“Personalisht mendoj se është koha që Sllovenia të njohë Palestinën, dhe si qeveri duhet të shqyrtojmë hapat e mëtejshëm për procedimin e këtij akti”, tha Erjavec pas takimit me krerët e dy partive të tjera në koalicionin e kryeministrit Mire Cerar.
Me iniciativën e tij, u dakordua që në sesionin e ardhshëm të qeverisë që pritet të mbahet javën e ardhshme, vetë ai në rolin e ministrit të përgatisë informacionet e nevojshme.
Brenda koalicionit në Slloveni po konsiderojnë njohjen e Palestinës, pasi Bashkimi Evropian vendosi në mënyrë unike të mos mbështesë aktin e Shteteve të Bashkuara dhe të mos e njohë Jerusalemin si kryeqytetin e Izraelit.
Social Demokratët (SD) e Dejan Zhidanit e mbështesin propozimin, por besojnë se do të ishte më e përshtatshme që të ndërmarrin një hap të tillë në koordinim me disa anëtarë të tjerë të BE-së, në mënyrë që të mos jetë një veprim i izoluar i qeverisë sllovene.
Të kujtojmë së Erjavec pati kërkuar edhe në vitin 2015 që Sllovenia të njohë Palestinën. /tesheshi.com/
