Sllovenia ka kaluar nga një kryeminstër pa flokë te një i kundërt në këtë aspekt pamor, i cili mban një frizurë të veçantë. Por jo vetëm kaq. Robert Golob, njeriu që ka marrë frenat e qeverisjes së ish-republikës jugosllave, e para e shkëputur nga Federata Titiste, po përdor një përvojë të tij për të përzgjedhur njerëz që do u beson poste të rëndësishme. Kështu, që të gjithë parlamentarët nga partia e tij duhej t’u përgjigjen 12 pyetjeve nga testi Gallup, i cili mat angazhimin dhe motivimin e punonjësve në kompani.
Ky është një test që ofron një analizë të vlerave, e cila inkurajon aspektet pozitive të individit dhe shmang konfliktet e mundshme në grup, tha për kryeparlamentarja Urška Klokoçar Zupançiç nga Lëvizja për Liri e Golob.
Ajo, ashtu si dyzet deputetët e tjerë të zgjedhur në listën e partisë më të fortë në parlament në testim, iu përgjigj pyetjeve nga testi Q12 i Gallup, ku e para ishte “A e dini se çfarë pritet nga ju në vendin e punës?”.
Golob përdori testin Gallup për të zgjedhur bashkëpunëtorët e tij në një kohë kur ai drejtonte kompaninë e madhe të energjisë GEN I përpara se të hynte në politikë.
Ai është kryeministri i dytë slloven që synon të transferojë përvojat e tij të mëparshme të biznesit dhe metodat e menaxhimit të burimeve njerëzore në politikë.
Media sllovene shton se mënyra të tilla të përzgjedhjes së bashkëpunëtorëve dhe ekipeve në pozita udhëheqëse u prezantuan për herë të parë në politikën sllovene nga kryeministri dhe presidenti i ndjerë Janez Drnovsek, i cili ishte drejtor i një dege të bankës Ljubljanska dhe një ekonomist me përvojë përpara se të hynte në politikën e lartë. /tesheshi.com/
