Mbrojtësi i Interit, Milan Skriniar ka theksuar se objektivi i skuadrës është kualifikimi në Ligën e Kampionëve, por skuadra duhet të mendojë ndeshje pas ndeshjes.
Mbrojtësi shtatlartë sllovak ka filluar mirë tek Interi që nga transferimi i tij këtë verë nga Sampdoria duke u bërë një titullar fiks në qendër të mbrojtjes, së bashku me brazilianin, Joao Miranda.
Megjitatë, Skriniar po qëndron me këmbë në tokë duke mos u dhënë shumë në premtime dhe deklarata të mëdha.
“Sezoni ka filluar mirë dhe shpresoj të vazhdoj në këtë drejtim për Interin dhe për ekipin tim kombëtar”, ka thënë fillimisht Skriniar për Mediaset Premium.
Në vijim ai shton se qëllimi i tij është të ndihmojë ekipin dhe nga ana tjetër ata të më ndihmojnë.
“Ndoshta kjo është arsyeja pse unë u vendosa në mënyrë të mirë te Inter, pasi është e lehtë për të luajtur. Ekzistojnë disa qendërmbrojtës në skuadër dhe është në dorë të trajnerit për të vendosur se kush kur luan. Ne duhet të përpiqemi të fitojmë çdo ndeshje dhe pastaj të shohim se ku jemi. Objektivi është kualifikimi në Ligën e Kampionëve, por ne duhet të marrim ndeshje pas ndeshjes”, tha sllovaku.
