Nga Blendi Gashi
Edhe pse në Kosovë janë krijuar tre blloqe të partive, në zgjedhje para qytetarëve do shpalosen 5 sllogane.
Arsyeja pse nuk do ketë veç tre sllogane është mosdakordimi mes dy koalicioneve të mëdha parazgjedhore që të garojnë nën pektun e një sllogani.
“Koalicioni i luftës” PDK-AAK-NISMA në fushatë do paraqiten me dy sllogane. PDK-ja do garon me slloganin “Fillimi i Ri”, kurse AAK dhe NISMA me “Ka ardhë koha”.
Edhe i ashtuquajturi “koalicioni i paqes” LDK-AKR-Alternative do paraqitet me dy sllogane.
LDK-ja me “Shihemi në finale”, kurse AKR-ja me “Shpresë për Kosovën”, ndërsa Alternativa nuk ka ndonjë sllogan.
Pse këto parti zgjedhën pikërisht slloganet e lartcekura dhe ç’farë domethënie mund të kenë ato?
Sllogani i PDK-së “Fillimi i Ri”
PDK-ja në zgjedhjet e 2014-tës në krye me Thaçin garonte me sloganin “Misioni i Ri”. Ndërsa në këto zgjedhje garon me “Fillimi i Ri”. Siç mund të shihet kjo parti fare nuk është lodhur për të menduar një slogan me të cilin do identifikohet në këto zgjedhje.
Për më tepër kjo “gjetje” e PDK-së shpeshherë nga analistë është cilësuar si qesharake, duke thënë se çfarë fillimi të ri mund të paraqet një parti që ka qeverisur vendin në dhjetë vitet e fundit.
Para se të bënte këtë slogan PDK-ja është dashur ta pyeste vetën se a ka “Fillim të vjetër”?
Një tjetër arsye pse PDK assesi nuk është dashur të bëj këtë zgjedhje, është se partia Aleanca Kosova e Re në vitin 2007 garoi me sloganin “Një fillim i ri… me Behgjet Pacollin”, për çka kjo parti së fundmi akuzoi PDK-në për kopje të sloganit.
PDK “Fillimin e Ri” mund ta ketë zgjedhur me faktin se pas dhjetë vitesh partinë në zgjedhje do e udhëheq Veseli, e jo Thaçi, por as kjo nuk është një risi kur dihet botërisht se Veseli edhe pa qenë në strukturat udhëheqëse ka qenë njeriu më me ndikim në PDK, gjë që e ka pranuar Jakup Krasniqi pas braktisjes së kësaj partie.
Sllogani i LDK-së “Brezi i Republikës”
LDK-ja e Isa Mustafës mund të thuhet se ka dy sllogane: zyrtarin “Brezi i Republikës” (pra, një Republikë dhe në Kosovë, ashtu siç ajo e PD-së në Shqipëri) dhe “Shihemi në finale”. Ky i fundit më shumë është i pëlqyer nga sipmatizantët e kësaj partie, pasi menjëherë u përqafua pas deklaratës që bëri Anton Quni ditën kur u rrëzua qeveria “Mustafa”, kundër Thaçit e Veseli të cilëve ju tha se dëshiron t’i shoh prapa grilave dhe se “do shihemi në finale”.
Me slloganin zyrtar “Brezi i Republikës” LDK synon ta paraqet vetën si parti të reformuar duke filluar nga kandidati i saj për kryeministër që është Avdullah Hoti e jo kreu i partisë Isa Mustafa.
Në “Brezin e Republikës”, LDK aludon edhe në njerëzit nga shoqëria civile që ju bashkuan këtij subjekti të cilët i llogarit si “ajka” e shoqërisë, njerëz të shkolluar dhe me vlerë. Këto prurje LDK i sheh si energji të reja për Republikën edhe pse disa prej tyre prej kohësh është ditur se anojnë dhe janë përkrahës të këtij subjekti.
Se çfarë kontributi do japin për Republikën kjo mbetet të shihet pas zgjedhjeve kur edhe mësohet nëse do vlerësohen si “Brezi i Republikës” edhe nga qytetarët.
Sllogani i Vetëvendosje-s “Me Zemër”
Padyshim se sllogani më sipmatik dhe me një domethënie është i Vetëvendosje-s. “Me Zemër”. Sllogan i thejshtë por që bën shumë kënd për vete.
Këtë zgjedhje Vetëvendosje sigurisht se e ka bërë duke menduar në atë se të gjithë ata që e mbështesin partinë e tyre e bëjnë me zemër e jo që sipas tyre për interesa të ndryshme.
Poashtu arsye tjetër është se VV synon votat e të rinjve dhe ka një përkrahje të madhe të tyre, andaj me slloganin e zgjedhur vërtetë i ka prekur në zemër.
Por edhe VV është akuzuar për kopjim të slloganit nga LDK-ja. Kjo parti ka thënë se VV po bën fushatë me moton që e ka përdorur Forumi i Rinisë së LDK-së në vitin 2014.
Sllogani i AAK-së “Ka ardhë koha për njerëzit e mirë të Kosovës”
Një sllogan që lë shumë enigma pas. “Shtrohen pyetjet: për çka ka ardhë koha?, a njerëz të mire të Kosovës janë vetëm zyrtarët e AAK-së?
Sigurisht se AAK këtë sllogan e ka mbështetur në ëndrrën e tyre që Ramushi të bëhet kryeminsitër. Pra më shumë do përshtatej sllogani “Koha për Ramushin”.
Ky sllogan poashtu mund të aludoj në atë se ka ardhë koha që njerëzit e luftës të qeverisin së bashku.
Megjithatë do jenë qytetarët ata që më 11 qershor do tregojnë se a ka ardhë koha për Ramushin dhe njerëzit e AAK-së ?
Sllogani i AKR-së “Shpresë për Kosovën
Partia e Pacollit edhe pse kandidon me një listë me LDK-në ka zgjedhur të ketë slloganin e saj që e ka quajtur “Shpresë për Kosovën”. Si njeri i biznesit Pacolli mundohet që vetën dhe partinë e tij ta paraqes si shpresën e vetme për zhvillim ekonomik, për çka i gjithë programi i saj është i përcaktuar në këtë fushë.
Ky mund të jetë kuptimi i slloganit të përzgjedhur nga kjo parti që pas zgjedhjeve synon që të të marrë drejtimin e ndonjë minsitrie të fushës ekonomike.
Por nuk duhet harruar se AKR në qeverinë “Thaçi 2”, ka drejtuar dy minsitri tejet të rëndësishme, konkretisht Ministrinë e Zhvillimit Ekonomik dhe Ministrinë e Tregtisë dhe Industrisë dhe nuk është se ka bërë ndonjë punë që vlen të përmendet.
Pacolli në vazhdimësi është arsyetuar se i ka pasur duart e “lidhura” dhe nuk ka mundur të bëj aq shumë sa do të bënte nëse AKR-ja do ishte partia kryesore që do e drejtonte qeverinë. /tesheshi.com/
