Në të gjithë botën, edhe në internet, mund të zbuloni statuja që do t’ju habisin. Madje, mund ta keni të vështirë të besoni se ato ekzistojnë vërtet, por “Bright Side” sjell fotografitë e disa prej tyre që janë vërtet mbresëlënëse e për më tepër reale.
Krijuesit e tyre thjesht shkatërrojnë gjithë traditat që kanë “qeverisur” botën e arteve të bukura.
“Wonderland”, Kanada
Gjëja më interesante e kësaj statuje në Kalgari është të jesh brenda saj. Jashtë duket vetëm një kornizë prej 12 metrash tel në formën e një koke, por nga brenda është një botë e tërë, krijuar nga skulptori spanjoll, Jaume Plensa.
“Karma”, SHBA
Krijimi i skulptorit korean, Do-Ho Suh u del përpara vizitorëve në galerinë e Arteve në Nju Jork dhe kap vëmendjen e tyre. Statuja është vetëm shtatë metra e lartë, por duket e pafund.
“Ballanca”, Dubai
Skulptura me një ballancë të mrekullueshme sfidon ligjet e fizikës. Sesi skulptori polak, Jerzy Kedziora ka shmangur gravitetin është një habi për të gjithë.
Monumenti i violinistit, Hollandë
Në “Stopera”-n e famshme të Amsterdami, dyshemeja prej mermeri është thyer për të vendosur skulpturën e violinistit.
“Graviteti i një elefanti”, Francë
Skulptura e Daniel Firman i kushtohet teorisë së autorit se një elefant mund të ballancohet mbi feçkën e vet në një lartësi prej 18 kilometrash sipër tokës.
“Vrapuesi”, Greqi
Nga çdo perspektivë, të jep përshtypjen se është në lëvizje. Figura massive u krijua me një numër të pamendueshëm xhamash të gjelbër nga skulptori Costas Varotsos. /tesheshi.com/
