Skënderbeu humbet edhe ndeshjen dytë në grupin H, përballë skuadrës ruse Lokomotiva e Moskës, (2-0). Për më tepër, kampionët shqiptarë u sulmuan në dy fronte. Krahas sulmeve të parreshtura të futbollistëve rusë, ishin tifozët që brohoritnin në korr: Vritni Shqiptarët!
Për një moment ndeshja u ndërpre, por arbitri i takimit e vazhdoi prapë ndeshjen përkundër thirrjeve raciste të tifozëve rusë.
Ndeshja u vendos të dy episode në të cilën protagonistë ishin Niasse dhe Samedov që realizuan dy gola për të vendosur fatin e ndeshjes në favorin e rusëve. Epilogu mund të mos jetë pasqyrë reale në bazë të asaj se çfarë treguan futbollistët e Mirel Josës në këtë ndeshje.
Një ndeshje e mirë e treguar e kampionëve të vendit që përkundër disfatës kishte mjaft elemente pozitive në këtë duel. Dyshja Latifi, Berisha shkaktuan mjaft kokëçarje për mbrojtjen ruse, por që nuk arritën të thyenin asnjëherë portierin Guilherme.
Në duelin tjetër të grupit Beshiktash barazoi me Sporting Lisbonën, (1-1) duke ndarë pikët. Skënderbeu mbetet skuadra e vetme pa pikë në grupin H, në të cilën prijnë Lokomotiva e Moskës me 6 pikë, e ndjekur nga Beshiktash me katër dhe Sporting me një.
Duelin tjetër korçarët e zhvillojnë ndaj Sporting Lisbonës.
/tesheshi.com/
