Skënderbeu fiton betejën e dytë dhe kalon në turin tjetër në Europa League. Korçarët kanë fituar ndeshjen e kthimit, në shtëpi, me rezultatin 2-0 ndaj kazakëve të Kairat Almaty, duke kontrolluar lojën, veçanërisht në pjesën e dytë.
Ishte mesfushori Lilaj ai që hovi zemrat e tifozëve korçarë, por edhe atyre shqiptarë, duke shënuar golin e parë. Më pas, nga një pakujdesi në ndërhyrje, pikërisht Lilaj merr të kartonin e dytë të verdhë, e më pas sheh të kuqen t’i drejtohet në fytyrë.
Trajneri Daja merr masa mbrojtëse, ndërsa kundërshtari përpiqet të hidhet në sulm. Por një top i gjatë i hedhur në drejtim të sulmuesit Plaku, një kontroll i mirë prej tij, e më pas një parabël e llogaritur, bëjnë që topi të shkojë për herë të dytë në portën e kazakëve. Ky rezultat nuk ndryshon dhe skuadra korçare kalon turin e dytë. Në atë pasardhës, Skënderbeu do të ndeshet me çekët e Mladës. /tesheshi.com/
