Dy ditë pas sulmit me bombë ndaj Televizionit Publik të Kosovës (RTK), njeriu kryesor për sigurinë në Kosovë, ministri i Brendshëm Skender Hyseni është bërë i “gjallë”, por çuditërisht ai nuk e ka thënë asnjë fjalë për sulmin në fjalë, por ka folur për luftën kundër trafikimit me njerëz.
Edhe pse sulmi në fjalë ka mundur të marrë jetëra njerëzish, ministri Hyseni, zgjedh heshtjen duke mos treguar asnjë informacion nëse ka persona të dyshuar për granatën që e hodhën në RTK.
Por, Hyseni, gjatë një takimi që mbajti sot me përfaqësues të sigurisë të komunave të rajonit të Prishtinës, krejt fjalimin e tij e shpenzoi në luftën kundër trafikimit me qenie njerëzore ku u shpreh se Kosova nuk ka shënuar asnjë progres dhe se situata është e njëjtë si vitin e kaluar dhe ashtu siç raportoi Departamenti Amerikan i Shtetit.
Hyseni, poashtu në këtë takim përmendi edhe luftën ndaj terrorizmit që sipas tij është situatë për të cilën duhet krenuar.
Lidhur me këtë çështje sipas Hysenit është bërë një punë e mirë nga institucionet e sigurisë por edhe nga bashkësitë fetare.
Mirëpo ai theksoi se pavarësisht rezultatit të kënaqshëm kjo çështje nuk duhet të neglizhohet sepse siç tha ai “sepse në sulmet terroriste nuk ka garancion, sepse nuk ka indikacione por institutcionet e sigurisë dhe inteligjencës po bëjnë të pamundurën por asgjë nuk siguron që të ketë siguri 100 përqind. /tesheshi.com/
