Ish-deputeti socialist Tom Doshi tronditi skenën politike dy vjet më parë kur akuzoi Ilir Metën se kishte paguar njerëz që ta vrisnin.
Ai tani ndodhet para gjykatës për dëshmi të rreme, ndërsa vetë Meta dhe emra të tjerë të politikës do të thirren si dëshmitarë në gjyq.
Gjykata e Lartë vendosi sot se 2 ish-kryeministra dhe kryeministri aktual do të dëshmojnë në gjyqin e Tom Doshit. Ata janë Sali Berisha, Ilir Meta dhe Edi Rama.
Gjithashtu dëshmitar është thirrur dhe ish-ministri i Brendshëm Saimir Tahiri, deputeti Spartak Braho dhe drejtori i Policisë Artan Didi.
Gjyqi ka të panndehur deputetin Tom Dosh, ish-deputetin Mark Frroku dhe Durim Bamin, të cilët gjykohen për kallzim të rremë.
Ata akuzohen se e montuan vetë video-rrëfimin e Bamit, ku ai thoshte se Ilir Meta e kishte paguar për të vrarë Doshin.
Gjykata vendosi të marrë në pyetje edhe biznesmenin Leonard Koka, por refuzoi thirrjen e kryeprokurorit Adriatik Llalla./tesheshi.com/
