Gjithçka varet nga qëndrimi që do të mbajë Angela Merkel në takimin me Edi Ramën të hënën e ardhshme. Ndrkohë Ilir Meta ka shkuar në Gjermani për të negocuar të ardhmen e tij politike, e cila realisht nuk duket shumë e qartë.
Por sipas gjasave, Edi Rama do të vijë nga Berlini me një “Po” të Merkelit për negociatat dhe më pas Konventa e LSI-së do të miratojë daljen e saj nga aleanca me PS-në në zgjedhjet e 2017.
Ky skenar i jep fund bashkëpunimit dhe sipas deduksioneve të momentit do të zbatohet skenari i 1 prillit kur Ilir Meta u largua nga qeveria e Sali Berishës.
Që do të thiotë se shqiptarët në vitin e ri do hyjnë me një qeveri vetëm të Edi Ramës me PDIU-në e Shpëtim Idrizit.
Intervista e fundit në televizionin grek, ku për herë të parë një kryeministër shqiptar përmend troç Çamërinë si çështje mes Shqipërisë dhe Greqinë, e përforcon këtë.
Meta e di se Rama i ka 71 votat për të qeverisur dhe këu nuk llogariten vetëm 5 deputetët e Idrizit, por edhe parlamentarë të LSI-së që sipas gjasave do të ankorohen në PS.
Provën me “Nëndetësen 105”, Meta e bëri në korrik por e pa që nuk i kishte votat për ta rrëzuar Ramën, ndaj vazhdoi planin; natyrisht duke mos u pajtuar me Ramën, të cilin nuk e ka takuar fizikisht prej një muaji tashmë.
Ekzaktësisht kur vendosi të shkojë në Athinë, ndërsa Edi Rama ishte në Beograd dhe tentoi të vendosë një vijë ndryshe qëndrimi me Greqinë jashtë vijës zyrtare.
Tani çdo gjë është e përfunduar; por ende nuk është vendosur nëse LSI do të garojë e vetme në 2017-n apo do të hyjë në koalicion parazgjedhor me PD-në.
Mundësitë janë që që të hyjë e vetme.
Vetë Ilir Meta u ka thënë të tijëve: ka ardhur koha të rrimë në qeveri, mjaft kemi ndenjur papushim në pushtet…. /tesheshi.com/
