Dhjetra njerëz janë ende të zhdukur të mërkurën pas një sulmi me raketa ruse në një qendër tregtare në Ukrainën qendrore dy ditë më parë që vrau të paktën 18 persona, ndërsa guvernatori rajonal tha se situata ishte “shumë e vështirë” në Lysychansk në lindje.
Ukraina tha se Rusia qëllimisht donte të vriste civilë kur goditi një qendër tregtare në Kremenchuk. Nga ana tjetër, Moska tha se qendra tregtare ishte bosh dhe se synonin një depo armësh aty pranë.
“Një raketë ruse goditi pikërisht këtë vend. Me qëllim… Është e qartë se vrasësit rusë morën koordinata të sakta,” tha Presidenti ukrainas Volodymyr Zelensky në një fjalim video të mbrëmjes. “Ata donin të vrisnin sa më shumë njerëz”.
⚡️Zelensky shows video of deadly missile strike on Kremenchuk shopping mall.
In his nightly address, President Volodymyr Zelensky showed a video of a Russian missile strike on a crowded shopping mall in Ukraine's central city of Kremenchuk. pic.twitter.com/rJik8HpsJz
— The Kyiv Independent (@KyivIndependent) June 28, 2022
Autoritetet thanë se rreth 36 persona janë ende të zhdukur.
Rusia vazhdon të pretendojë se nuk synon zonat civile gjatë ofensivës së saj katërmujore në Ukrainë. Por OKB thotë se të paktën 4,700 civilë janë vrarë që nga fillimi i pushtimit rus më 24 shkurt.
“Ne kemi mbetur pa fjalë për të përshkruar absurditetin, kotësinë dhe mizorinë e kësaj lufte,” i tha Këshillit të Sigurimit shefja e çështjeve politike të OKB-së, Rosemary DiCarlo.
Ndërsa Kievi tha se nuk kishte asnjë objektiv ushtarak në zonë, Ministria e Mbrojtjes e Rusisë tha se raketat e tyre goditën një depo armësh aty pranë që përmbante armë perëndimore, e cila shpërtheu, duke shkaktuar një zjarr që u përhap në një qendër tregtare aty pranë në Kremenchuk.
Pretendimet e Moskës se qendra tregtare ishte bosh u kundërshtuan nga të mbijetuarit, si Ludmyle Mykhailets, 43 vjeç, e cila tha se ishte duke bërë pazar atje me burrin e saj kur shpërthimi e hodhi në erë “së pari me kokë”. /tesheshi.com/
