Arabia Saudite prezantoi një ndalim udhëtimi për tërë ditën në Mekë dhe Medinë në fillim të këtij muaji, si pjesë e masave për të luftuar koronavirusin. Vendet e shenjta të muslimanëve, ku shumë besimtarë janë të pranishëm në çdo kohë, janë plotësisht të shkreta këto ditë.
Një fotoreporter i huaj arriti të kapë foto në kompeksin e Mekës, e cila është qendra e botës islame, drejt së cilës që muslimanët drejtohen pesë herë në ditë gjatë lutjes.
Zona përreth Qabesë, një vend grumbullimi për besimtarët nga e gjithë bota, veçanërisht gjatë Haxhit, një nga pesë shtyllat e Islamit, është plotësisht i zbrazët.
Aty mund të shihen vetëm persona që sigurojnë dhe mirëmbajnë këtë hapësirë.
Një urdhër i Ministrisë së Brendshme saudite më 2 prill vendosi një shtetrrethim në Mekkë dhe Medinë deri në njoftimin e mëtejshëm.
Punonjësit në sektorin publik dhe privat, të cilat janë jetësore, janë të përjashtuar nga ndalimi.
Nga ora 6 e mëngjesit në 3 pasdite, banorët e këtyre dy qyteteve mund të lënë vetëm lagjet ku ata jetojnë për të blerë ilaçe dhe sende të domosdoshme. /tesheshi.com/
