Pasi dhjetëra tërmete kanë tronditur ishullin grek të Santorinit prej disa ditësh, është mbyllur edhe Plazhi i Kuq i njohur atje.
Shkëmbinj u shembën mbi të pas tërmeteve që kanë tronditur zonën këto ditë dhe që po ndryshojnë konfigurimin e terrenit e po ndikojnë në nivelin e detit.
Pamjet e frikshme janë shfaqur në rrjetet sociale.
Σαντορίνη: Μεγάλη κατολίσθηση στην Κόκκινη Παραλία Τουρίστες έβγαζαν selfies στο χείλος του γκρεμού
🖇️ https://t.co/LlVgbyJeBH#σεισμος #Σαντορινη #σεισμός #Σαντορίνης pic.twitter.com/h5Np5JwXeQ— in.gr/news (@in_gr) February 4, 2025
Tashmë, një nga plazhet më të famshëm në botë, i njohur për shkëmbinjtë e kuq dhe rërën e zezë, nuk mund të arrihet më nga toka dhe kjo është hera e parë që mbyllet.
Qindra njerëz të tjerë pritet të largohen nga ishulli grek i Santorinit pasi lëkundjet në destinacionin popullor turistik veror po hyjnë në ditën e tyre të shtatë.
Rreth 6,000 njerëz janë larguar me traget dhe aeroplan ditët e fundit për shkak të qindra tërmeteve të vogla të regjistruara në detin përreth, duke tronditur ndërtesat, duke ngritur pluhur në shkëmbinjtë shkëmborë të ishullit dhe kësisoj rritur frikën për një tërmet të madh.
Autoritetet kanë vendosur masa sigurie, duke përfshirë ndalimin e ndërtimit dhe mbylljen e shkollave.
Sizmologët vlerësojnë se mund të duhen ditë ose javë që aktiviteti i lartë sizmik të ulet, megjithëse zyrtarët vendorë dhe qeveritarë thanë se tërmetet ishin qetësuar të mërkurën.
Santorini mori formën e tij aktuale pas një prej shpërthimeve më të mëdha vullkanike në histori, rreth vitit 1600 para Krishtit. Shpërthimi i fundit në zonë ndodhi në vitin 1950. /tesheshi.com/
