Një taksë prej 5 eurosh do të paguajnë shtetasit e vendeve që nuk janë pjesë e Bashkimit Evropian, të cilët hyjnë në zonën “Schengen” pa vizë. Komisioni Europian pritet ta propozojë nesër (e mërkurë) këtë tarifë, që ka si qëllim forcimin e masave verifikuese të të huajve, që shkelin në vendet e unionit. Kjo skemë “prek” edhe shqiptarët, si një vend që nuk bën pjesë në BE.
Udhëtarët, duke paguar këtë taksë regjistrohen automatikisht në sistemin Europian të Informacioneve dhe Autorizimit të Udhëtimeve, “ETIAS”, që pritet të nisë së funksionuari në vitin 2020.
Ky sistem i regjistrimit të pasagjerëve mund t’i sjellë Bashkimit Europian mbi 2 miliardë euro të ardhura në vit.
Sistemi do të ngrihet mbi modelin amerikan, por do të jetë më i lirë se “ESTA”, ku paguhet 60 dollarë për të hyrë. Në sistemin europian, pagesa prej 5 eurosh ka një vlefshmëri prej 5 vitesh, ndryshe nga ai amerikan ku tarifa vlen për dy vite./tesheshi.com
