Kryetari i Komunës së Prizrenit, Ramadan Muja ka lejuar pagesën e tri faturave të drekave zyrtare të shtruara për nder të vizitës së presidentit të Shqipërisë, Bujar Nishani në vlerë totale prej më shumë se 3 mijë e 900 euro.
Kjo ka ndodhur më datë 13 maj të këtij viti, kur presidenti Nishani kishte vizitoi Prizrenin për të marrë titullin: “Qytetar Nderi i Prizrenit”
Kjo shifër është më e lartë krahasuar me shpenzimet e tërësishme që Komuna e Prizrenit i ka bërë për drekat zyrtare në 6- mujorin e parë të këtij viti,j shkruan “Koha Ditore”.
Bazuar në kartelën analitike të kostos, del se Administrata e Komunës së Prizrenit, bashkë me Shëndetësinë dhe Arsimin për 6 muaj kanë shpenzuar afro 7 mijë euro për dreka zyrtare.
