Skandali ushqimor që ka përfshirë Bashkimin Europian sot ka marrë përmasa më të mëdha, pasi u deklarua se vezët e kontaminuara kanë hyrë në 15 vende të unionit, në Zvicër dhe Hong-Kong.
Komisioni Europian bëri të ditur se veza e kontaminuar me insekticidin fipronil gjendet në gjithë këto shtete dhe se për këtë skandal do të bëhet një mbledhje urgjente e KE-së më 26 shtator.
Komisioneri Europian për Sigurinë e ushqimit, Vytenis Andriukaitis, deklaroi se vendet duhet të ndalin së fajësuari njëra-tjetrën, por ministrat të takohen menjëherë për të diskutuar masat për këtë çështje.
Skandali nisi pas vezët që vinin nga Holanda në Britaninë e Madhe përmbanin fipronil, një insekticid i rrezikshëm për njerëzit dhe e ndaluar nga Bashkimi Europian për përdorim në industrinë e ushqimit.
Fermerët holandezë kanë paralajmëruar se skandali me shitjen e vezëve të kontaminuara mund të marrë përmasa më të gjëra.
Kontaminimi kimik është kuptuar pasi fermerët e pulave në Holandë kanë kërkuar ndihmë nga shoqata “Chickfriend”, e specializuar për zhdukjen e parazitëve që sulmon pulat.
Kjo kompani në produktin e saj për zhdukjen e parazitit kishte përdorur përbërësin organik “fipronil”, i cili përdoret shpesh në preparatet veterinare kundër pleshtave, marimangave dhe rriqrave, por është i ndaluar në trajtimin e kafshëve që përdoren për ushqim.
Organizata Botërore e Shëndetësisë ka vlerësuar se “fipronili” në sasi të mëdha “është relativisht toksik” për njerëzit, sepse ajo mund të jetë e rrezikshme për veshkat, mëlçinë dhe gjëndrrat tiroide. /tesheshi.com/
