Kanidatja demokrate në zgjedhjet presidenciale në Shtetet e Bashkuara të Amerikës, Hillary Clinton, është marrë në pyetje nga FBI në kuadër të skandalit të postës elektronike private.
“Clinton ka dhënë me shumë kënaqësi një intervistë mëngjesin e sotshëm, në lidhje me skandalin e e-maileve kur ishte Sekretare e Shtetit”, – ka thënë zëdhënësi i fushatës elektorale të Clintonit, Nick Merrill.
Clinton është “shumë e lumtur që ka pasur mundësinë të bashkëpunonte me departamentin e Drejtësisë që të mund të arrihet në një përfundim. Duke qenë se çështja është ende nën hetim, ajo nuk ka për të dhënë detaje apo komente në lidhje me këtë takim të pasur me FBI-në”, ka shtuar Merrill.
Në kohën kur ishte Sekretare e Shtetit, gjatë mandatit të parë të presidentit Barack Obama, Hillary Clinton kishte vendosur të përdorte për komunikimet e saj një adresë e-maili, e cila nuk i përkiste qeverisë. Shumë informacione delikate kanë kaluar përmes këtij kanali, i cili nuk ka qenë mjaftueshëm i mbrojtur. Kjo është arsyeja pse FBI-ja mund të kërkojë inkriminimin e Clintonit, duke qenë se shpërndarja e informacioneve të klasifikuara përbën krim. /tesheshi.com/
