Një përdorues Reddit ka gjetur një mënyrë të shkëlqyer duke përdorur derrkucin e kursimeve, garderobën dhe një mama të zemëruar për të shpjeguar skandalin e “Panama Papers” dhe madje, për të dhënë këshilla se kur është “gabim” të përdorësh bankimin offshore.
Me publikimin e dokumenteve të Panamasë, shfaqjet e një bote të errët të përdorimit të bankave jashtë vendit, po vijnë një e nga një skandaloze dhe sade. Por si mund të shpjegohet thjeshtësisht një çështje e tillë, tepër e përfolur në të gjithë botën, mirëpo që nuk kuptohet lehtësisht . Dhe si mund të shpjegohet se ndonjëherë ka arsye të mira për të përdorur llogaritë e fshehta jashtë vendit.
Përdoruesi i Reddit, DanGliesack ka dalë me një ide për të dhënë kompleksitetin e kësaj çështjeje, me anë të përralle interesante që synon të shpjegojë madje edhe për pesëvjeçarët e për ata më të mëdhenj se aq.
Skema
Kur të japin para xhepi, ti i fut ato në një derrkuc kursimi. Kutia e kursimit ndodhet mbi një raft në garderobën tënde. Mamaja jote e di një gjë të tillë dhe ajo e kontrollon atë herë pas here, kështu që të jetë në dijeni të rasteve kur ti fut në kasë më shumë para apo nëse i shpenzon ato.
Tani, një ditë ti mund të vendosësh se “nuk dua që mami të kontrollojë paratë e mia”. Kështu që ti shkon tek shtëpia e Xhonit me një kuti kursimi tjetër që do tam bash në dhomën e tij. Shkruan emrin sipër kutisë dhe e vendos në garderobën e Xhonit. Mamaja e Xhonit është gjithnjë shumë e zënë, kështu që nuk e kontrollon asnjëherë kutinë e kursimeve. Kështu që ti mund ta mbash edhe tënden atje dhe kjo do të mbetet një sekret.
Të gjithë fëmijët e lagjes mendojnë se kjo është një ide e mirë dhe të gjithë shkojnë në shtëpinë e Xhonit me kasa kursimi të tjera nga ato që kanë në shtëpi. Tashmë garderoba e Xhonit është plot me kuti kursimi nga fëmijët e lagjes.
Një ditë, ja që ndodh që mamaja e Xhonit të kontrollojë garderobën dhe sheh gjithë ato kuti kursimi. Ajo zemërohet shumë dhe merr në telefon prindërit e fëmijëve që t’ua bëjë të ditur. Por, jo të gjithë e kanë zhvendosur kutinë e kursimit të tyre tek Xhoni për arsye të këqija.
Vëllai më i madh i Erikut gjithnjë vjedh nga kutia e tij e kursimit, kështu që ai thjesht donte një vend të fshehtë më të mirë. Tami dëshironte të kursente për t’i blerë mamasë një dhuratë për ditëlindje pa e ditur ajo. Azim e bëri vetëm se mendoi se ishte argëtuese. Por shumë fëmijë e sollën kutinë e tyre tek Xhoni për arsye të këqija.
Elisabeta po vidhte paratë e drekës së të tjerëve dhe nuk dëshironte që prindërit e saj ta zbulonin. Risi po vidhte para nga çanta e mamasë së vet. Dhe prindërit e Bobit e kishin vendosur atë në dietë, dhe nuk donte që ata ta merrnin vesh se ai po blinte ëmbëlsira.
Tani, në jetën reale, shumë njerëz të rëndësishëm janë kapur duke fshehur kasat e tyre të kursimit në shtëpinë e Xhonit në Panama. Sot, mamatë e tyre e kanë zbuluar këtë veprim. Shumë shpejt, ne do të dimë më shumë se cilët nga këta persona të rëndësishëm i fshehën paratë për arsye të këqija dhe cilët për arsye të mira. Por pavarësisht arsyeve, të gjitha ata janë në telashe.
Një analogji e gjetur
Ajo që është sidomos e vlefshme në këtë histori është fundi, që jo të gjithë kanë pasur arsye të këqija për të fshehur paratë e tyre me anë të llogarive offshore. Si pjesë e dokumentimit të Panama Papers, Fusion ka publikuar një listë interesante të arsyeve përse mund të përdoren llogaritë jashtë vendit.
Disa arsye legjitime janë:
-Ruajtja e sekretit tregtar, për të shmangur që konkurrenca të mësojë se ke duke investuar në material për prodhimin e një linje të re.
Për të shmangur “rrjepjen”, pasi furnitorët e shërbimeve si hotelet apo shërbimet catering mund të përpiqen për të marrë para shtesë nëse marrin vesh se je duke menaxhuar një kompani me emër të madh apo një njeri të famshëm.
Për të pasur siguri për veten, nëse jep shërbime si përkthimi në ushtri të huaja apo je diplomat në zonë konflikti, mund të këshillohesh të mos lësh gjurmë pas.
Disa arsye më pak legjitime mund të jenë:
Kur duket se je në një konflikt të mundshëm e të padeklaruar interesi, si p.sh me kryeministrin e Islandës.
Kur kompania është regjistruar në momentin që vendi ku jeni president përballet me kërcënim ushtarak
Kur si kryeministri britanik e ke deklaruar publikisht se shmangia e taksave është “moralisht e gabuar”, por del se familja juaj ka një llogari jashtë vendit për të shmangur taksat në Britani.
Kur duket se kompania juaj mund të jetë përdorur nga diktatorët për të blerë armë.
Këto gjëra nuk dimë se si t’ia shpjegojmë një pesëvjeçari. Ndoshta duhet të mbetemi tek kasa e kursimit.
Përgatiti: Juli Prifti: /tesheshi.com/
