Ndeshja mes Udineses dhe Milanit u ndërpre pas pak më shumë se gjysmë ore lojë dhe shkak është bërë portieri i kuqezinjve, Mike Maignan, i cili është larguar nga fusha.
Mike Maignan, vendosi të largohej nga fusha gjatë lojës pasi u përball me abuzime raciste nga tifozët e Udineses.
Futbollistët e Milanit vrapuan pas tij dhe arritën ta rikthejnë në fushë.
Ndeshja rifilloi pas një pushimi prej pesë e gjashtë minutash dhe raportohet se me siguri Udinese do të përballet me një dënim të rëndë.
Ky veprim i guximshëm nga Maignan tregon një vendosmëri për t’i bërë ballë racizmit, i cili ka mbledhur admirim dhe mbështetje në mbarë botën.
Problemi në rritje i racizmit në futboll ka vënë edhe një herë në fokus nevojën e masave vendimtare për të luftuar këtë fenomen të papranueshëm, shkruajnë kështu media të ndryshme sportive. /tesheshi.com/
