Arrestimi i pesë krerëve të lartë të doganave ka sjellë në vëmendje se kontrabanda e së ashtuquajturës “naftës e virgjër” nuk është ndaluar që prej vitit 2011 kur u denoncua nga Dritan Prifti, por vazhdon me ritme më të larta.
Lule Njebza, ish-numri dy i doganave dhe kreu i Tiranës, Mirarbër Teneqexhiu, ish- kryetar i Doganës Tiranë dhe i komanduar së fundmi në Vlorë, Alfred Bushi, ish- shefi i Akcizës, Adrian Alikaj, doganier akcize, Syrja Misiraj, doganier akcize janë vënë në pranga me akuzën se kanë zhdukur një sasi gjigande me naftë nga depozitat e një kompanie.
“Zhdukur” në fakt, është një fjalë e thënë me delikatesë, pasi sipas të gjitha gjasave ajo është future në treg për t’u shitur në distributor dhe më pas në serbratorët e makinave tona.
Me një fjalë, nafta virxhin është shitur si diesel dhe ka shtatërruar automjetet.
Por përveç kësaj ka një humbje shumë të madhe në buxhet.
Bëhet fjalë për një dëm shtetit prej 2 mln euro nga shmangia e pagimit të akcizës.
Në pranga ka përfunduar edhe Adrian Xhillari, administrator i kompanisë, i cili është shpallur në kërkim ndërkombëtar, pasi rezulton se është larguar nga Shqipëria para se të vendosej masa e sigurisë nga gjykata.
Nga hetimet e Prokurorisë ka rezultuar se kompania e shtetasit Xhillari ka marrë lejen nga autoritetet doganore për të transportuar naftën “virxhin” në pronësi të kompanisë së tij, nga depot e Mëzezit, Tiranë, për në depot pranë rafinerisë së përpunimit të naftës, në Ballsh. Por, rezulton se kjo sasi nafte (4.4 milionë litra), e cila nuk lejohet të dalë në treg pasi është e cilësisë bruto, nuk ka mbërritur në depozitat në Ballsh, por është shpërndarë nëpër pika karburanti në qytete të ndryshme të Shqipërisë, duke u shitur në treg të lirë.
Krahas pasojave shumë të mëdha në mjetet e qytetarëve, “zhdukja” e kësaj sasie të madhe nafte, i ka shkaktuar shtetit një dëm që llogaritet në mbi 2 milion euro nga shmangia e pagimit të akcizës.
Prokuroria e Fierit shpjegon se në vijim të hetimeve të saj, ka konstatuar se “zhdukja” e 4.4 milionë litrave naftë “virxhin” të “Tea Construction & Petrol” është realizuar edhe për shkak se zyrtarët e doganave që kishin për detyrë të regjistronin lëvizjen e sasisë së karburantit nga Mëzezi në Ballsh dhe të monitoronin depozitimin e saj në depot përkatëse, nuk e kanë kryer aspak detyrën e tyre.”
Në vitin 2011, ish-ministri i Ekonomisë, Dritan Prifti akuzoi drejtues të policisë së shtetit dhe qeverisë se janë organizatorët dhe ruajtësit e kontrabandës së naftës virxhin.
Por kjo kobntrabandë vazhdoi edhe sot me një intensitet që ka përfshirë krerë më të lartë të doganave. Në ditët në vijim pritet një fshesë e re në këtë sector, që nuk ka arritur të derdhë në buxhetin e shtetit, detyrimet e planifikuara. /tesheshi.com/
