Nga: Alex Spence
Skandali më i madh financiar në histori ka nisur me një mesazh anonim nga Süddeutsche Zeitung më shumë se një vit më parë.
“Burimi nuk kërkonte kompensim financiar apo para të tjera në këmbim, përveç disa masash sigurie,” thekson gazeta prestigjioze gjermane në një koment të sajin mbi skandalin botëror financiar.
Në një metodë tipike të informatorit Edward Snowden, burimi i është përgjigjur në mënyrë anonime Süddeutsche Zeitung-ut në internet, duke dhënë informacione të shumta. Burimi insistoi të përdorë komunikime të pakriptuara dhe pa takim paraprak. Ai bëri të ditur se jeta e tij është në rrezik.
“Unë nuk dua t’i bëj këto krime në publik,” tha burimi në lidhje me atë që do të ndërmerrte.
Për disa muaj ai ka dërguar materiale në një sasi prej 2.6 terabit nga Mossack Fonseca, një firmë ligjore në Panama, ku ofroheshin llogari të fshehura në botën e financave offshore.
Süddeutsche Zeitung thekson se ka marrë 11.5 milionë dokumente që datojnë prej vitit 1970, e që janë si e-mail-e por edhe dosje PDF, si fotografi ashtu dhe material nga arkivat e brendshme të Mossack Fonseca-s.
Süddeutsche Zeitung pajtoi nga International Consortium of Investigative Journalists (ICIJ) disa reporterë për t’i analizuar dokumentet, dhe nuk vendosi që ta shpërndajë materialin në redaksi.
Një rrjet me 400 gazetarë në 80 vende kaloi kohë të tëra për t’i kërkuar dokumentet dhe për t’i analizuar ato.
Partnerët mediatikë përfshinë The Guardian dhe BBC-në në Mbretërinë e Bashkuar, El Confidencial në Spanjë, Le Monde në Francë, Falter dhe ORF në Austri, Sonntagszeitung në Zvicër dhe L’Espresso-n në Itali.
Në vitin 2013, gazetari i njohur australian Gerard Ryle mori një e-mail me miliona dosje për kompani offshore dhe llogari bankare. Të gjitha janë parë një për një në mënyrë manuale.
ICIJ pajtoi edhe ekspertë për t’i analizuar materialet dhe për t’i deshifruar nga sisteme të ndërlikuara kompjuterike.
Pikërisht nga deshifrimi i tyre doli se bëhej fjalë për një sensacion, pra, që njerëzit e pasur dhe të fuqishëm nga e gjithë bota kishin fshehur paratë e tyre.
Dy pjesëtarë të skuadrës së Süddeutsche Zeitung-ut, Bastian Obermayer dhe Frederick Obermaier, punuan me ekipin në vitin 2013.
Nga analizat u arrit të veçoheshin 214.000 kompani offshore që lidheshin me më shumë se 200 vende.
The Guardian ka punuar për një kohë të gjatë, dhe gazetarët të cilët janë marrë me dosjet thonë se asnjëherë tjetër nuk janë marrë më gjatë me me një temë.
Marrë nga Politico – /tesheshi.com/
