Paraditen e së premtes është arrestuar edhe drejtori i Fondit të Sigurimit të Detyrueshëm të Kujdesit Shëndetësor në Tiranë, Pjerin Xhuvani, në lidhje me skandalin e rimbursimit të ilaçeve.
Më parë, Prokuroria e Përgjithshme kishte urdhëruar ndalimin e 7 personave, dy prej të cilëve zyrtarë të Drejtorisë Rajonale të Fondit të Sigurimit të Detyrueshëm të Kujdesit Shëndetësor në Tiranë, si të dyshuar për krijimin e një skeme të madhe mashtrimi me rimbursimin e medikamenteve.
Kjo skemë mashtrimi i ka shkaktuar shtetit një dëm rreth 56 milionë lekësh.
