Nga Blendi Gashi
Skandali i publikuar ditë më parë në disa portale ku shihen nxënësit e shkollës fillore “Bajram Curri” të Drenovcit të Malishevës duke bartur birra për mësuesit e tyre i ka dhënë një imazh të keq arsimit jo vetëm në këtë komunë por edhe më gjërë.
Portali mbarëkombëtarë tesheshi.com ka kontaktuar Komunën e Malishevës për të marrë një qëndrim lidhur me skandalin në fjalë.
Drejtoria Komunale për Arsim dhe Edukim në Malishevë ka thënë se janë në dijeni dhe kanë reaguar menjëherë për rastin në fjalë, por që janë duke u marrë me vërtetësinë e asaj që është rapotuar në media.
Komuna e Malishevës thotë se pasi të sqarohet situata dhe nëse pretendimet e atyre fotografive dhe lajmit, vërtetohen, Drejtoria Komunale për Arsim dhe Edukim, do të veproj në bazë të rregullave dhe legjislacionit në fuqi.
“Drejtori i shkollës përkatëse është ftuar të jap deklaratë rreth asaj çështje dhe varësisht prej vërtetësisë, atëherë drejtoria komunale për arsim dhe edukim do të veproj sipas rregullave për raste të tilla. Jo vetëm për përdorimin e nxënësve, por edhe për përdorim të pijeve alkoolike në institucionin shkollor”, ka thënë Komuna e Malishevës portalin tesheshi.com.
Përdorimi i alkoolit nga personat zyrtar në orar të punës është rreptësisht i ndaluar nëpër të gjitha institucionet publike, e lëre më në institucione arsimore, ku mësohen fëmijë nga parashkollorë deri në klasë të nënta.
Shtrohet pyetja se si mundët një mësimdhënës të ju jap mësim fëmijëve nën ndikimin e alkoolit!?
Në rast se lajmi del të jetë i saktë, Komuna e Malishevës, përkatësisht Drejtoria e Arsimit duhet të ndërmarrë masa për t’i parandaluar këto dukuri devijante dhe negative nëpër shkollat tona, në mënyrë që mësimdhënësit të jenë shembull për fëmijët tanë. /tesheshi.com/
