Ministrja gjermane e Mbrojtjes është vendosur nën breshëri kritikash pas një sërë skandalesh në forcat e armatosura, mes të cilave ngacmime seksuale, bullizëm dhe një komplot të së djathtës ekstreme për një sulm terrorist të motivuar me diskriminim racor.
Ursula von der Leyen, e cila shpesh është komentuar si pasardhëse e Angela Merkel, tha se mbante “përgjegjësi për çdo gjë që ndodh në forcat e armatosura gjermane, Bundeswehr, edhe pse fillimisht kishte fajësuar lidershipin e dobët të ushtrisë.
“Eshtë përgjegjësia ime të riparoj abuzimet për të cilat jemi në dijeni, e që unë po e bëj aktualisht”, tha ajo për tabloidin “Bild”. Ajo ka kërkuar hetim të plotë për të menaxhuar rastet.
Skandali më i bujshëm përfshin rastin e një ushtari 28-vjeçar që u arrestua javën e kaluar nën akuzën se po planifikonte një sulm mbi azilkërkuesit dhe politikanë të krahut të majtë. Në lidhje me këtë rast, u krye edhe arrestimi i një personi tjetër që zotëronte eksplozivë. /tesheshi.com/
