Politika ka triumfuar sërish mbi sportin. Klubi Hendbollit “Prishtina” nuk është lejuar të kalojë Serbi – Bosnje dhe Hercegovinë, për të zhvilluar ndeshjen kundër Celik në kuadër të EHF Challenge Cup. Pas afër 10 orë udhëtimi, hendbollistët prishtinas u detyruan të riktheheshin prapa, pasi autoritetet serbe nuk lejuan të kalojë autobusi i tyre.
Faqja zyrtare e klubit ka deklaruar se, Prishtina nuk do të ndalet me kaq. Përkundër pengesave, ata kanë vendosur të udhëtojnë sërish për në Bosnje, por kësaj rradhe përmes kufirit me Malin e Zi.
“Lojtarët dhe stafi janë të dërrmuar nga ky krim politiko-sportiv, por cakun do ta tentojmë përsëri nëpërmjet Malit të Zi. Nuk dorëzohemi lehtë. Politika nuk duhet të fitojë mbi sportin”, thuhet në njoftimin e lëshuar nga klubi prishtinas. /tesheshi.com/
