Gjigantët amerikanë të teknologjisë Google dhe Microsoft janë aktualisht në luftë për aplikacionet e inteligjencës artificiale, pasi Google u akuzua për vjedhje nga konkurrenti i tij.
ChatGPT i Microsoft-it po pushton internetin dhe ata e kanë përdorur popullaritetin për ta inkorporuar atë në Bing, motori i tyre i kërkimit që ka qenë shumë prapa Google për vite.
Nga ana tjetër, Google lëshoi aplikacionin e vet të quajtur Bard. Ai u shfaq si një konkurrent i ChatGPT, megjithëse nëse pretendimet janë të vërteta, duket se bazohet pjesërisht në një produkt të Microsoft.
Sipas pretendimeve të ish-punonjësit të Google, Jacob Devlin, Google po ndërtonte aplikacionin Bard duke përdorur të dhëna nga ChatGPT, pa asnjë leje nga Microsoft.
Devlin dyshohet se u largua nga kjo kompani teknologjike për shkak të kësaj. Ky është një pretendim i madh dhe nëse vërtetohet, mund të rezultojë në dëme të mëdha për Google.
Po kështu, imazhet e një bisede me Bard filluan të qarkullojnë në internet, ku aplikacioni tha se bazohej në të njëjtin model gjuhësor si ChatGPT, megjithëse përgjigja e tij u ndryshua shpejt duke thënë se bazohej në gjuhën LaMDA të Google.
Google i ka mohuar kategorikisht akuzat dhe mbetet të shihet se cili do të jetë epilogu i kësaj situate, shkruan Android Authority. /tesheshi.com/
