Gjatë vitit të kaluar dhe këtë vit, për shkak të një diagnoze të gabuar nga Spitali Universitar në Suedi, 33 grave iu është hequr mitrën në rrugë kirurgjikale, për të cilën kryemjeku i atij spitali sot ka shprehur keqardhje të thellë, transmetojnë mediat suedeze.
Një grup prej 33 femrash, nga mosha 38 deri në 85 vjeç, morën informacion nga një mjek se kishin ndryshime qelizore që i paraprinë kancerit të mitrës, pas së cilës ai organ u hoq, por rezultoi se diagnoza ishte e gabuar, transmeton media suedeze Svt.
Në një deklaratë për mediat, kryemjeku i spitalit, Johan Lugnegard, deklaroi se një gjë e tillë nuk duhej të ndodhte, por ndodhi, duke u kërkuar falje grave që iu nënshtruan operacionit.
Ministri suedez i Shëndetësisë, Ako Ankarberg Johansson, tha me këtë rast se ishte “lajm i tmerrshëm”, duke shtuar se ishte mirë që Spitali Universitar e mori seriozisht incidentin dhe ndërmori hapa që diçka e tillë të mos përsëritej.
Gjatë vitit të kaluar, të paktën dy incidente të ngjashme kanë ndodhur në qytetet Skaraborg dhe Blekinge. /tesheshi.com/
