Presidenti rus Vladimir Putin dje mbushi 68 vjeç.
Ndryshe nga vitet e kaluara, nuk kishte ndonjë festë të veçantë. Mbi të gjitha, siç tha vetë Putini: “Ditëlindja ime nuk është një festë kombëtare”.
Para epidemisë së COVID, kryeministri italian Silvio Berlusconi dhe ish-kancelari gjerman Gerhard Schreder, me të cilët ai ka marrëdhënie jashtëzakonisht të ngushta, vinin gjithmonë nga jashtë për ditëlindje. Këtë herë gjithçka përfundoi në një telefonatë, pasi Berlusconi sapo kishte dalë nga spitali ku u trajtua për koronavirus.
Për shkak të situatës me COVID-19, Putin kryesisht komunikon me rusë dhe politikanë të tjerë përmes një lidhje video. Në këtë mënyrë, minimizohet mundësia që njëri prej tyre ta infektojë atë.
Sidoqoftë, megjithëse të gjithë bashkëpunëtorët e Putinit janë testuar para se të kenë kontakt të drejtpërdrejtë me të, jo gjithçka mund të parashikohet. Fjala vjen, zëdhënësi Dmitry Peskov përfundoi në spital për shkak të COVID-it, ashtu dhe kyeministri Mikhail Mishustin, i cili është nga natyra një nga më të afërmit e presidentit rus.
Dhe disa ministra të tjerë u infektuan.
Dita e punës së Putinit gjithashtu ka një rutinë të caktuar. Pasi zgjohet, ai noton në pishinë. Putini noton dhe bën gjimnastikë çdo ditë. Pas kësaj, ai ka një mëngjes të lehtë të bërë nga qullë të ndryshëm me mjaltë dhe djathë, të cilin rusët e pëlqejnë.
Rusët u pëlqen të festojnë përvjetorët, dhe Putini e respekton atë. Nuk ka asnjë aktor, regjisor apo këngëtar dhe shkrimtar të njohur që Putini të mos i urojë ata në data të rëndësishme. Sigurisht, protokolli presidencial kujdeset për këtë. Kjo i bën ata njerëz krenarë kur lexojnë në lajmet kryesore se Putini u dërgoi urime. E gjitha është çështje tradite. /tesheshi.com/
