Nëse ideja e të mbyllurit në një ambient ju bezdis, mos u shqetësoni. Ka shumë alternativa të tjera përmes së cilave mund ta zgjidhni problemin e të mbajturit të trupit në formë, duke mos shkuar në palestër.
Siç thonë dhe ekspertët, ajri i freskët i dimrit përmirëson mbrojtjen e sistemit imunitar, ndihmon në përballimin e të ftohtit të dimrit, aktivizon metabolizmin dhe lejon djegien e sa më shumë kalorive. Ja cilat janë disa aktivitete që mund të kryeni duke shmangur palestrën:
Biçikleta – Pedalimi në ajër të pastër dhe në qetësi ju ndihmon edhe për qetësimin e sistemit nervor.
Patinazhi – Çfarë mund të bëni më mirë se të patinoni në akull gjatë dimrit? Mos harroni që ju ndihmon në përmirësimin dhe koordinimin e ekuilibrit.
Ski – Nëse keni frikë nga skitë, ndoshta është pasi nuk keni eksperimentuar në vendin e duhur. Këshillohet të shmangni ditët e diela kur pistat janë të mbipopulluara, pasi përgjithësisht bëhen burim aksidentesh.
Shëtitjet – Kthejini shëtitjet në mënyrën tuaj të përditshme të të stërviturit. Është shumë e rëndësishme të vishni një palë këpucë të rehatshme dhe të mbështillni mirë kokën. Kudo që mund të shëtisni, do të mbani trupin në formë, do të largoni ankthin e stresin.
Vrapimi – Ju lejon të kurseni abonimin e palestrës, është antistres dhe ju qetëson mendërisht. Kur vrapojmë në ajër të pastër konsumojmë më shumë kalori./tesheshi.com/
