Kalimi i Ronaldos në Saudi, te Al Nassr, gati nuk po gëlltitet nga bota e futbollit.
Ndaj po trajtohen aspekte të ndryshme të këtij transferimi të bujshëm, i paimagjinueshëm deri dje.
Kështu, mediat botërore po shkruajnë tashmë edhe për jetën private të futbollistit të njohur, duke ngritur pikëpyetje se si do ta harmonizojnë atë me ligjet fetare strikte në fuqi në Arabinë Saudite.
Për shembull, Cristiano Ronaldo dhe partnerja e tij Georgina Rodriguez nuk janë të martuar zyrtarisht, gjë e palejueshme në Mbretërinë sheriatike.
Dhe thuhet se dy avokatë sauditë të specializuar në të drejtën civile, të cilët folën në kushte anonimiteti për shkak të ndjeshmërisë së çështjes, sepse në Arabinë Saudite nuk lejohet që një çift të jetojnë pa një kontratë martese, ndryshe të bashkëjetojnë, konfirmuan se çifti mund të jetë në gjendje të jetojë së bashku. sepse “autoritetet e viteve të fundit, sidomos kur bëhet fjalë për të huajt, dinë të ‘bëjnë një sy qorr’”.
“Edhe pse ligjet e mbretërisë ende e ndalojnë bashkëjetesën pa kontratë martese, autoritetet kanë filluar së fundmi të ‘bëjnë një sy qorr’ dhe përgjithësisht të mos ndëshkojnë më askënd për këtë, përveç rasteve kur ka ndonjë problem apo krim”, raportohet të ketë thënë një nga avokatët.
Avokati tjetër theksoi se në lidhje me çështjen e bashkëjetesës, autoritetet saudite “më shpesh nuk ndërhyjnë më kur bëhet fjalë për të huajt”.
Kjo ishte e paimagjinueshme vetëm pak vite më parë, por që janë bërë disa lëshime nga Princi Mohammed bin Salman me emërimin e tij si princ i kurorës në vitin 2017.
Në çdo rast dhe në asnjë rrethanë, liritë e lejuara për të huajt që banojnë në këtë vend arab nuk vlejnë për shtetasit sauditë.
Georgina, e cila është edhe nënë e fëmijëve të Cristiano Ronaldos, ka disa mundësi për të qëndruar në Arabinë Saudite edhe pse nuk është e martuar.
Sipas avokatëve, “njëra është që Georgina të vijë me një ftesë nga klubi Al Nassr, me një vizë të lëshuar posaçërisht ku thuhet se ajo mund të jetojë ku të dojë”. Një tjetër mundësi është të marrë një vizë turistike njëvjeçare që i lejon asaj të qëndrojë në vend për 90 ditë rresht në çdo vizitë.
Megjithatë, siç thekson një ekspert, “Ligjet e punësimit të Arabisë Saudite kërkojnë që çdo grua të cilës i jepet viza për të hyrë në mbretëri të jetë gruaja, punëtorja ose e afërmja e shkallës së parë e një burri që jeton në Arabinë Saudite”.
“Misionet diplomatike nuk mund t’i japin vizë një gruaje pa kontratë martese, por ndonjëherë bëjnë edhe një sy qorr. Gratë vijnë me vizë turistike sepse burri dhe gruaja mund ta marrin veçmas, pa pasur nevojë të zbulojnë natyrën e marrëdhënies së tyre”, shtoi një nga avokatët. /tesheshi.com/
