Gjykata Kushtetuese sot funksionon me 6 nga 9 anëtarë që duhet të kishte, duke krijuar një situatë të papreçedentë.
Shkak për ngërçin e krijuar është mosrealizimi i proçesit të vettingut dhe mosfuknsioni i këshillit të emërimeve në drejtësi.
Kur kanë kaluar 7 muaj nga nisja e procesit të përzgjedhjes së gjyqtarëve që do të jenë anëtarë të Kushtetueses, askush nuk di të thotë se çfarë po ndodh.
Më 16 Janar 2017 , Gjykata Kushtetuese njoftonte atë të Lartë se duhet të niste procedurën për të përzgjedhur zëvendësuesin e gjyqtares Vitore Tusha, të cilës i mbaronte mandati.
Gjykata e Lartë nisi procedurat dhe në shkurt 2017 nga garuesit për këtë post u paraqiten tre kërkesa: Medi Bici , Ardian Dvorani dhe Luan Hasneziri, raporton Report tv.
E ndërsa pritet që këta gjyqtarë të përzgjidhen për të plotësuar vakuumin në Kushtetuese, vetë këshilli emërimeve në drejtësi nuk ka nisur funksionimin pasi dy nga nëntë anëtarët e KED janë tërhequr. /tesheshi.com/
