Ndërkohë që situata politike në Shqipëri është e tensionuar, Ambasadori i shteteve të Bashkuara të Amerikës në Shqipëri, Donald Lu ka përcjellë mesazhe pozitive për qeverinë shqiptare.
Gjatë një takimi me Dhomën Amerikane, ku është e pranishme dhe ministria Milva Ekonomi, Lu paralajmëroi se ditë më të mira do të vijnë për shqiptarët. Ambasadori ka shprehur vendosmërinë e tij se SHBA-të do të mbështesin qeverinë shqiptarë në luftën kundër krimit të organizuar.
Në mesazhin e tij ambasadori amerikan theksoi ndër të tjera se këtë vit me zbatimin e reformës në drejtësi do të krijohen më shumë mundësi për biznesmenët dhe investimet kombëtare në Shqipëri. Po ashtu, me humor ai theksoi se nuk është optimist, por thjesht realist.
“2017 do të jetë një vit i shkëlqyer për Shqipërinë. Këtë vit nis zbatimi i reformës në drejtësi. Do ju mbështesim në luftën kundër krimit të organizuar. Do të krijohen mundësi për biznesmenët. Këtë vit do shohim investime kombëtare në Shqipëri. Disa njerëz mendojnë se jam optimist, jam realist. Shoh të vijnë gjëra të mira për popullin shqiptar”, pohoi Lu./tesheshi.com/
