Kryetari i Grupit Parlamentar të LSI, Petrit Vasili, ka reaguar përmes një komenti në rrjetet sociale në lidhje me qëndrimin e Kryeministrit Edi Rama në raport me situatën e krijuar në vend si rezultat i vatrave të zjarrit.
Vasili shkruan se Shqipëria po digjet, por kryeministri nuk ka lëvizur asnjë mekanizëm për të vënë nën kontroll flakët.
“Pse nuk shpallet gjendja e jashtëzakonshme, ku është shtabi qeveritar i emergjencës”, shkruan Vasili
Komenti i Petrit Vasilit
Situatë e jashtëzakonshme, Shqipëria në flakë.
Zjarre të frikshme që po asgjesojnë pasuri natyrore dhe prona të qytetarëve.
Aleanca e kryeministrit me qytetarët thjesht një demagogji mizore, hipokrite, frikacake.
- Ku është qeveria?
- Pse nuk shpallet gjendja e jashtëzakonshme?
- Ku është shtabi qeveritar i emergjencës?
- Ku është shteti që, në këto ditë të rënda, duhej të ishte i gjithi në këmbë?
Apo le të digjet vendi dhe pastaj vjen kryeministri për ngushëllim dhe qan me kujë?
Shqipëria digjet, kryeministri krihet.
“Deri kur kështu ma?”, thoshte Migjeni i madh. /tesheshi.com/
