Për dallim nga krerët kosovarë që thonë se nuk ka struktura ilegale në veri dhe se atje mbizotëron ligji, shefi i diplomacisë gjermane, Sigmar Gabriel, gjatë vizitës në Mitrovicë ka demantuar ata duke thënë se në veri të Kosovës ekziston kriminalitet masiv i organizuar.
Ai ka thënë se në këtë pjesë nuk ka administratë publike, por në kulmin e pushtetit gjenden njerëz të krimit të organizuar të cilët, madje, nuk ngurrojnë edhe të vrasin, e sipas tij këtë bashkësia ndërkombëtare nuk guxon ta tolerojë.
“Situata këtu është më shumë se sa e kom aplikuar. Nuk ka vetëm konteste kufitare, por para së gjithash kriminalitet masiv të organizuar në veri- në këtë rajon kufitar. Njerëzit po frikësohen. Ka pasur vrasje, siç e dini. E para dhe më e rëndësishmja që duhet bërë këtu është lufta kundër krimit të organizuar – dhe për këtë duhet përkrahja e Beogradit, në radhë të parë. E kjo duhet të ndodhë para çfarëdo bisedimesh të tjera”, tha Gabriel para gazetarëve afër Urës kryesore në Ibër.
Gabriel në Mitrovicë shkoi pas takimit me liderët kosovarë dhe ata të Serbisë.
Ai pastaj ka numëruar çështjet që mbesin të pazgjidhura pas luftës.
“Pas krimit, po ashtu duhet të zgjidhet kontesti kufitar ndërmjet Kosovës e Malit ë Zi dhe që me Gjykatën Speciale duhet t’i zgjidhen krimet e luftës. Pastaj duhet të gjendet zgjidha ndërmjet Kosovës e Serbisë”, deklaroi Gabriel. /tesheshi.com/
