Nga Bashkim Kastrati
Reshjet e borës dhe shiut që kanë rënë këto ditë në Kosovë kanë ndikuar që të ketë përmbytje në disa komuna të Kosovës, ku për pasojë uji ka depërtuar në disa shtëpi, lokale afariste si dhe ka përmbytur edhe vetura dhe pajisje tjera të qytetarëve.
Përmbytje më së shumti kishte në komunën e Malishevës, Shtimes, Suharekës, Klinës, Lipjanit dhe Gjakovës. Fatmirësisht nuk është shënuar asnjë incident serioz tek qytetarët pas vërshimeve të mëdha.
Ndërsa sot situata është më e mirë në komunat në fjalë, por pasojat që kanë shkaktuar vërshimet janë evidente.
Sipas Institutit Hidrometeorologjik të Kosovës, reshjet intensive të shiut gjatë 24 orëve të fundit janë si pasojë e ciklonit të ardhur nga pjesa veri-perëndimore e Kontinentin Evropian, në të cilin është përfshi edhe Kosovën.
Si pasojë e reshjeve intensive të shiut, duke filluar nga data 05 janar duke arritur maksimumin gjatë ditës së djeshme, me intensitet me të theksuar të shpërndarjes kohore dhe hapësinor sidomos në pjesën perëndimore dhe qendrore të Gadishullit Ballkanik.
Sipas IMHK-së, këto të reshura, kanë shkaktuar ngritjen e shpejt të nivelit të ujit të lumenjve të Kosovës të cilët janë të vrullshëm, për shkak të karakterit malorë të tyre, ku si pasojë shumica e tyre kanë ndalur nga shtrati duke shkaktuar përmbytje në disa zona të Kosovës.
Ngritjen së shpejtë të nivelit të lumenjve e ka ndihmuar edhe situata sinoptike, ngase gjatë ditës së sotme janë regjistruar temperaturat e ajrit prej .+ 50C, të cilat kanë kushtëzuar shkrirjen më intensive të shtresës së borës së rënë para dy ditëve, trashësia e së cilës në Prishtinë ka arritur 13 centimetra.
Situata hidrologjike është pothuajse e njëjtë në tërë territorin e Kosovës, por më tepër e rënduar është në pellgun e Drinit të Bardhë, duke përfshi shumicën e ujërrjedhave të sajë nga të dyja anët.
Problematike paraqiten rrjedhat malore me karakter rrëkesh (prrockat, prrojet) etj të cilat për shkak të konfiguracionit të relievit, kanë karakter vërshues duke shkaktuar dëme nëpër disa fshatra dhe lagje qytetesh, në disa vise të Kosovës.
Gjatë 24 orëve të fundit situata hidrologjike në lumenjtë kryesorë të Kosovës ka qenë si në vijim:
- Drini Bardhë/Gjonaj nga 1.60 në 2.50 m
- Drini i Bardhë/Këpuz nga 0.92 – 1.10 m
- Bistrica Pejes/Grykë e Rugoves – 0.38 – 0.60
- Lepenci/Hani Eelezit nga 0.46 – 0.70 m
- Morava Binçes/Knonçu; nga 2.24 – 2.60 m
- Ibri/Leposaviq nga 1.41 – 1.45 m
- Sitnica/Nedakoc nga 1.38 – 1.43 m
Ja si do të jetë moti në ditët në vazhdim:
Në bazë të parashikimeve të Institucionit të lartë shënuar dhe IHMK, gjatë 24 orëve në vijim, do të këtë reshje të shiut në viset e ulëta, ndërsa në ato malore edhe reshje bore.
Kjo gjendje sinoptike do të vazhdoj edhe gjatë ditës së nesërme, por me intensitet më të ulët të reshjeve, ku mesatarisht do të ketë rreth 10 mm reshje gjatë 24 h, ndërsa më datë 08 reshje do të ketë në interval të shkurtër kohorë, ku sasia e tyre brenda 24 h nuk do ti kaloj më shumë se 5 mm.
Gjendja sinoptike gjatë 3 ditëve në vijim do të karakterizohet më ulje të intensitetit të reshjeve, e cila do të jetë karakteristike për viset e ulët, ndërsa në ato malore do të ketë reshje bore të intensitetit të dobët. /tesheshi.com/
