Përmes një udhëzimi të dytë, Ministria e Shëndetësisë ka kërkuar shtyrjen edhe me një javë tjetër të nisjes së procesit mësimor. Sipas propozimit të ministrisë, çerdhet, kopshtet dhe shkollat duhet të vijojnë të jenë të mbyllura deri në datën 16 janar.
Përmes një udhëzimi të dytë, ministria thotë se masa është e domosdoshme për të parandaluar përhapjen më tej të virozës së gripit, e cila e ka çuar vendin në një situatë emergjence.
Institucionet arsimore ishin parashikuar të hapeshin në datën 4 janar, por e shtynë hapjen e tyre si pasoje e gripit. Ministri, Ilir Beqaj, ka kërkuar që të shmangen sa më shumë qëndrimet në vende të mbyllura e me njerëz të grumbulluar, pasi një situatë e tillë do të favorizonte hapjen e virusit.
“Ende nuk kemi një vendim. Po rishqyrtojmë këtë mundësi dhe besoj se vendimi cilido që të jetë do t’i bëhet i ditur publikut deri nesër paradite në mënyrë që pastaj në vijimësi publiku të ketë kohë të marrë masat e nevojshme në zbatim të vendimit”, tha ministri Beqaj. /tesheshi.com/
