Anëtarë të Task Forces kundër kanabisit, strukturë e ngritur muaj më parë me një vendim të Këshillit të Ministrave, po raporton para ekspertëve të Bashkimit Europian për masat e marra dhe luftën kundër drogës në vend.
Është kjo arsyeja pse shefi i Prokurorisë publike në Suedi, Mats Sallstrom dhe prokurori i antimafias se Napolit, Michelle Fini kaluan pragun e Prokurorisë së Krimeve të Rënda.
Ndërkohë që nuk kanë munguar zyrtarë të antidrogës në Policinë e Shtetit, Prokurorë të Krimeve të Rënda, që kanë nën hetim edhe dosje të bujshme si ajo e të kërkuarit Klement Balili, Eneid Nakuci, kryeprokurori i Krimeve të Rënda Besim Hajdarmataj, si edhe drejtori i hetimit në Prokurorinë e Përgjithshme, Adnan Xholi, gjithashtu përfaqësues i Task Forcës qendrore, raporton tch.
Pjesëtarët e Prokurorinë për gjashtë muajt e parë të 2017 janë regjistruar 694 proçedime penale në fushën e drogës , ku kryeson prodhimi dhe shitja e narkotikeve.
“Ne kemi mbështetur policinë”, ka deklaruar gjatë takimit Xholi në kërkesat e saj për përdorimin e metodave speciale te hetimit të këtyre rasteve, ndërsa ka një bashkëpunim të fortë edhe me shërbimet e inteligjencës për identifikimin e personave ndaj të cilëve dyshohet se janë implikuar dhe vijojnë këtë aktivitet të paligjshëm.
