Universitetet do vijojnë online, ndërsa shkollat nuk do mbyllen paralajmëroi Komiteti Teknik në një dalje për mediat. Sipas zv.ministres Rakacolli, vala e infektimeve nuk vjen nga shkollat.
“Sa i përket shkollave, Komiteti e ka vëmendjen tek mirëqenia e fëmijëve. Incidenca nuk është rritur prej shkollave. Në bazë të shifrave do të shikojmë se ç’do të bëjmë”, tha ajo, duke theksuar më tej: “Ka në rëndim të lehtë të situatës, por është në kontroll. Mësimi në universitete do të vazhdojë online edhe për një periudhë në varësi të njoftimit që do të bëjmë”.
Dr. Rakacolli edhe njëherë siguroi se situate spitalore nuk është në kolaps. “Nuk duhet të kemi asnjë shqetësim për pakësim të kapaciteteve spitalore, janë të gjitha të kalkuluara me aq sa mund të kalkulohet. Jemi të kalkuluar që të shfrytëzojmë në maksimum burimet njerëzore dhe spitalore, nuk duhet të kemi frikë që kapacitete spitalore nuk do të mjaftojnë për të gjithë ata që kanë nevojë për t’u trajtuar me COVID. Asnjë frikë për mungesë të kapaciteteve spitalore”, tha Rakacolli. /tesheshi.com/
