Sekretari i përgjithshëm i OKB-së, Ban Ki- Moon, ka tërhequr vëmendjen për faktin se populli i Sirisë ndjehet gjithnjë e më shumë i braktisur nga bota ndërsa kriza e vendit të tyre hyn në vitin e pestë.
Ban Ki-Moon i kërkoi presidentit sirian, Beshar Esad, të ndërmarrë hapa vendimtarë për t’i dhënë fund konfliktit.
“Qeveritë apo lëvizjet që aspirojnë për legjitimitet nuk e masakrojnë popullin e tyre”, deklaroi të enjten Ban Ki-Moon.
Ai e përshkroi bashkësinë ndërkombëtare si “të përçarë dhe të paaftë për të ndërmarrë një veprim një përbashkët” në luftën civile.
Ndarja është vënë re në Këshillin e Sigurimit të OKB-së, që ka qenë përgjithësisht i pafuqishëm për të ndërmarrë veprime të fuqishme për shkak të kërcënimit të një vetoje nga Rusia, anëtarja e përhershme, dhe aleate e Sirisë.
Sekretari i përgjithshëm paralajmëroi për “perspektivën e frikshme të rrënimit të plotë të këtij vendi”, e për efektet në tërë rajonin.
Konflikti sirian nisi pak muaj pasi shpërthimit të protestave popullore në marsin e vitit 2011.
Deri tani janë vrarë më tepër 220.000 njerëz, dhe më shumë se katër milionë banorë e kanë lënë vendin.
Forcat qeveritare dhe kryengritësit po luftojnë kundër njëri-tjetrit në shumë fronte. /tesheshi.com/
