Turqia ka pranuar se janë disa “çështje” që i konsideron si probleme të pazgjidhura me Arabinë Saudite dhe Emiratet e Bashkuara Arabe.
Në një intervistë për rrjetin mediatik Al Jazeera, Ministri i Jashtëm turk, Mevlut Çavushoglu, tha se vendi i tij ka problem me vendet e Lindjes pasi këto të fundit e kanë pasur një reagim jo korrekt ndaj operacionit turk në kufi me Sirinë.
“Ka dallime te qarta midis operacionit turk në Siri dhe luftës që Saudia dhe EBA-të po zhvillojnë në Jemen. Në Jemen ka mijëra të vdekur për shkak të urisë, epidemisë dhe rrethimit, ndërsa në veri të Sirisë është kthyer normaliteti si për kurdët, ashtu edhe për sirianët që jetojnë në rrethin ku operuam”.
Duke iu referuar vrasjes së gazetarit saudit Jamal Khashoggi, Çavushoglu e përshkroi raportin mes vendeve si “krizë”.
“Ne nuk e mbuluam krimin dhe nuk morëm para nga askush, siç bënë të tjerët”, tha ai, duke iu referuar kërkesës së Presidentit amerikan Donald Trump për fonde nga Rijadi për të mbrojtur Princin e tij të Kurorës, Mohamed Bin Salman.
Arabia Saudite, Emiratet e Bashkuara Arabe dhe Bahreini kohët e fundit dënuan operacionin ushtarak turk, duke e quajtur lëvizjen një “shkelje flagrante të integritetit territorial, pavarësisë dhe sovranitetit të Sirisë”. /tesheshi.com/
