Dhjetëra mijëra njerëz u mblodhën në xhaminë Umajad në Damask për lutjet e para të së premtes(xhumanë) që kur ish-presidenti Bashar al-Assad u rrëzua në një ofensivë të rrufeshme nga forcat opozitare.
Është një moment historik në një vend historik në Damask. Xhamia Umajad është ndërtuar në shekullin e VII dhe ka qenë dëshmitare e historisë së këtij vendi, por ky është një moment i jashtëzakonshëm. Ky është namazi i parë i xhumasë pas rënies së regjimit që zgjati më shumë se gjysmë shekulli dhe pas 13 viteve të luftës brutale civile.
“Sirianë nga i gjithë vendi vijnë këtu. Kam biseduar me sirianët që erdhën nga Aleppo. Pjesët lindore të Aleppo-s u shkatërruan plotësisht në vitin 2016 nga forcat e regjimit. Unë fola me njerëz që vinin nga Homs-i, i cili ka qenë nën rrethimin e regjimit për tre vjet. Kam biseduar me njerëz që vinin nga Hama. Hama ka parë masakra dy herë. Unë fola me njerëz që vinin nga Deir Az Zor, nga Daraa, njerëz që ishin në burg, të torturuar. Unë fola me njerëz që vinin nga Ghouta Lindore, të cilët u goditën me gaz dhe u ekspozuan ndaj armëve kimike të regjimit”, tha Resul Serdar Atas për Al Jazeera. /tesheshi.com/
