Regjimi i Asadit, i cili nuk po arrin të sigurojë as nevojat themelore në rajonet siriane që mban nën kontroll, po përpiqet të përballet me krizën e bukës që është thelluar në muajt e fundit.
Regjimi, i cili ka shpenzuar të gjitha kursimet e tij shtetërore për luftën, nuk është në gjendje t’i përgjigjet nevojave themelore të njerëzve që jetojnë në rajonet që kanë rënë nën kontrollin e regjimit. Një gazetar i AA mëson nga burime konfidenciale se shumë furra buke në qytete të populluara si Damasku, Halep, Homs dhe Hama janë detyruar të mbyllen për shkak të krizës në furnizimin me karburant dhe grurë.
Njerëzit që jetojnë në rajone të kontrolluara nga regjimi presin në radhë të gjata përpara furrave për orë të tëra në mënyrë që të marrin bukën për banorët e tyre. Vendi pjellor sirian dhe zona e pasur me naftë janë të okupuara nga organizata terroriste PKK / PYD, e cila është arsyeja pse regjimi po përballet me probleme në furnizimet e naftës dhe grurit.
Kriza e furnizimit me miell u thellua kur regjimi nuk ishte në gjendje të paguante borxhin e tij ndaj firmave ruse nga të cilat siguroi grurë, duke çuar në përfundimin e një marrëveshje midis regjimit të Asadit dhe gjashtë firmave ruse. Njerëzit që përballen me vështirësi financiare janë edhe më të prekshëm sepse buka e prodhuar në furrat e bukës që veprojnë me kapacitet të kufizuar konfiskohet nga detashmenti militant Sebbih, i cili e shet atë në tregun e zi.
Çmimi i bukës në mes të vitit 2020 ishte 200 lira siriane, ndërsa sot ajo shitet në tregun e zi për nëntë herë më shtrenjtë, pra për 1,800 lira siriane. Ekipi AA filmoi një numër të madh të grave, fëmijëve, të moshuarve dhe të rinjve, duke pritur në radhë të gjata përpara furrës në qendër të Alepos, e cila është nën kontrollin e regjimit të Asadit. /tesheshi.com/
